Scribesmeister v4 (In Zero Gravity)

Sa totoo lang, dai ko man aram ang kasimbagan diyan. Basta pagabot saiya, mayo akong ibang gusto na mailing nya kundi ang pagkapusog kang personalidad ko - na mayong pwedeng makakulog sako ning basta basta. Hababawon kaya ang pigpuunan e, kung iisipon mo. Ang habo ko lang talaga, itong maabot pa sa pagdududahan pa ang totoo mong intensyon, na garo dai ka bistado na maray. Pero sa iling ko, dai niya man talaga ako bistado e. Mayo man pati talaga akong pakilabot kung ano man ang gusto niyang tubudan…wahhh. Dai, nagsusuba lang ako. Haha. Bugay, nakakapay na pati ako. Siempre maypakiaram ako ano! Apektado ngani ako e. Tano baya? Sabihon mong maraot maanggot kung salaan ka kang sarong bagay na dai mo man ginibo? Patalon man kaya ta paratinitripan ko, akala niya ginibo ko talaga. Pero aram mo yan, miski pa binawi ko na tapos sinabi ko nagsusuba man lang ako - mala, nagtubod na baga. Ang kapatalan ko man diyan, iyo inaamin ko, nagsuba ako sa sarong tao na mayong pagkaaram kung sisay baya talaga ako. Ano man aasahan mo sa sarong tao na pirang bulan mo lang nabisto? Pwede mo man asahan na mabisto ka tulos kayan? Ang hapot, gusto ko man bayang mabisto niya talaga ako? Ata tinatabangan ko nang diit diit na makaabot siya sa kada sirong kang buhay ko, garong mayong epekto. Haha. Ano daw yan? May mga tao talagang may mga halipot an kaisipan saka mga payo na madunungon,ano? Garo man lang ako KADTO - ang ibig kong sabihon, madunungon man ko kadto. Kaya ngani habo ko na yan naiiling sa iba ta naguigiromdoman ko ang ugali kong pinirit ko talagang baguhon.

Hay, ako halawigon ang pasensya ko - aram yan kang gabos na nakakabistado sakong maray. Kung saro ka duman, maswerte ka. Ang dapat saimo naguugma ta sabihan taka, diit lang ang mga tunay na nakakabisto sako. Hayy…pero aram mo yan? Makulog pa giraray ang boot ko. Pero ano na lang ang sirbe kan kadunungan ko, kung dai ko man lang maako sa sadiri kong may mga kaluyahan man ako? Kaipuhan ko yan gabos na maakseptar ta nganing makakua ako ning panibagong kusog. Kung dai man ako nauugma ngunyan sa mga nangyari, dai ibig sabihon kayan na mapundo na lang ako sa pagiging arog kani. Siempre, kaipuhan ko man bagang oras para palipason yan. Pero dai mahaloy, mayo na naman ang kulog sa daghan ko.

Sarong hapot na lang:

Kaya mo pang itao ang tiwala mo sa sarong tao na may pagdududa saimo?

Sa iling mo? Depende man guiraray ano?